مۇبارەك XJCFAN، قۇتلۇق 10 يېشىڭغا مۇبارەك!

•  2021/12/12
•  3,529
•  ھەھبەھرىلەش

مۇشۇنداق قۇتلۇق كۈنلەردە شۇنى ئەسلەپ ئۆتۈشنى لايىق تاپتۇق: ئەينى چاغدا XJCFAN گۇرۇپپىسىنى ھەمكارلىشىپ قۇرۇپ، كېيىنكى شىركەتكە ئاساس سالغان ئەمەتجان (قىسمەت)، ياسىنجان (نوكىيافۇن)، ئەسقەرجان (تەدبىركار)، ئابدۇرېھىمجان (ئەرمىش) قاتارلىق ئاساسچىلارغا، XJCFAN نىڭ شىركەت بولۇپ تەشكىللىنىشىگە كۈچ چىقارغان ئەمەتجان، شىرئەلى، ئابدۇغېنى قاتارلىق ھەمكارلاشقۇچىلارغا، بۈگۈنگە قەدەر XJCFAN ئۈچۈن كۈچ چىقىرىپ كېلىۋاتقان بارلىق خادىملارغا، بىزنى يېقىندىن قوللىغان ھەر ساھەدىكى دوست-بۇرادەرلەرگە يۈرىكىمىزدىن رەھمەت ئېيتىمىز!

شۇنداق، XJCFAN شىركىتى 10 ياشقا كىردى. بۇ 10 يىل جەريانىدا XJCFAN نۇرغۇن ئىسسىق-سوغۇقلارنى باشتىن كەچۈردى، بوۋاقتىن بالىغا، بالىدىن يىگىتكە ئايلاندى. قىسقىسى، پىشىپ يېتىلدى.

شۇنداق، XJCFAN شىركىتى 10 ياشقا كىردى. XJCFAN ئەزىمەتلىرى بۇ 10 يىل جەريانىدا XJCFAN ئۈچۈن كۆپ جاپا چەكتىڭلار، تۆھپە قوشتۇڭلار. سىلەرنىڭ مېھنىتىڭلار بولمىغان بولسا، بۈگۈنكى XJCFAN ۋە Yultuzsoft بولماس ئىدى.

رەھمەت، XJCFAN ئەزىمەتلىرى! XJCFAN ئېرىشكەن ۋە ئېرىشمەكچى بولغان مۇۋەپپەقىيەتلەر سىلەرگە مەنسۇپ!