يۇلتۇزسوفت يېڭى ئىشخانا رايونىغا كۆچتى

2011-يىلى 12-ئايدا، شىركىتىمىزنىڭ ئاساسى بولغان XJCFAN قۇرۇلغان چاغدا، ئۈرۈمچى شەھىرى تيانشان رايونى يەنئەن يولى 154-نومۇر جىلى سودا بازىسى 3-قەۋەت 37-ئىشخانىنى خىزمەت ئورنى قىلغان بولۇپ، ئارىدا خىزمەتلىرىمىزنىڭ كۆلەملىشىشى ۋە خادىملار قوشۇنىمىزنىڭ زورىيىشى بىلەن بۇ ئىشخانا كىچىكلىك قىلىپ، 2015-يىلى 2-ئايدا، ئەسلىدىكىنىڭ بىر ھەسسىسىگە توغرا كېلىدىغان 30-، 31-ئىشخانىغا كۆچكەن ئىدى.

ئارىدىن يەنە 5 يىل ئۆتتى. بۇ بەش يىل جەريانىدا، XJCFAN تېخىمۇ زورىيىپ Yultuzsoft قا ئايلاندى؛ تالاي تەتقىقاتلار بولدى، نۇرغۇن كەسپىي نەتىجىلەر روياپقا چىقتى.

پەلەكنىڭ چارقى چۆرگىلەپ، 2020-يىلى يازغا كەلگەندە، شىركىتىمىز كونا ھەمكارلاشقۇچىسى شىنجاڭ ئەلكىن يۇمشاق دېتال پەن-تېخنىكا چەكلىك شىركىتى بىلەن يەنە بىر قېتىم ھەمكارلاشتى. ئەلكىن شىركىتىنىڭ زور كۈچ چىقىرىشى بىلەن قۇرۇلغان بۇ ھەمكارلىق نەتىجىسىدە، ئىككى شىركەت قول تۇتۇشۇپ، شىنجاڭنىڭ، تېخىمۇ توغرىسى دۆلىتىمىزنىڭ IT سەھنىسىدە يېڭىچە سىياقتا جۇلالىنىشنى پىلانلىدى.

* قىستۇرما: «شىنجاڭ ئەلكىن يۇمشاق دېتال پەن-تېخنىكا چەكلىك شىركىتى» 2004-يىلى 10-ئايدا قۇرۇلغان بولۇپ، رايونىمىز ئىچى-سىرتىدا بەلگىلىك تەسىرگە ئىگە كەسىپلەشكەن، مۇنتىزىم يۇمشاق دېتال ئېچىش، كومپيۇتېر ئۇچۇر تورى، يۇمشاق- قاتتىق دېتال سىستېمىلىرىنى توپلاشتۇرۇش، ئېلېكتىرونلۇق مەھسۇلاتلار ۋە پەن-تەتقىقات تۈرلىرىنى كېڭەيتىش، قوللىنىشچان، كۆلەملەشكەن سىستېما لايىھەلەش، تور قۇرۇلما ۋە سەپلىمىلىرىنى پىلانلاش، سىناش، ئېچىش، يۈرۈشتۈرۈش، تېخنىكىلىق تەربىيەلەش … قاتارلىق بىر گەۋدىلەشكەن يۇقىرى پەن- تېخنىكلىق ئۇچۇر مەھسۇلاتلىرىنى تەتقىق قىلىپ، ئىشلەپچىقىرىش ۋە ئومۇملاشتۇرۇشتا ئاز سانلىق مىللەتلەر ئىچىدىكى ئۈلگىلىك كەسپىي كارخانا.

شۇ سەۋەبلەرگە كۆرە، ئىشخانا مۇھىتىنى تېخىمۇ ئۆلچەملەشتۈرۈش ئۈچۈن، ئىككى شىركەت ھەمكارلىقى بىلەن يېڭى ئىشخانىنى تەييارلاش ئىشىغا كىرىشتۇق. مانا بۈگۈن ئۈرۈمچى ئىقتىساد-تېخنىكا تەرەققىيات رايونى (乌鲁木齐市经济技术开发区) غا جايلاشقان شىنجاڭ يۇمشاق دېتال باغچىسى (新疆软件园) دا، 300 كىۋادرات مېتىر كۆلەمدىكى يېڭى ئىشخانىنى تەييارلاش، زىننەتلەش، ئۈسكۈنە تولۇقلاش، خادىم كۆپەيتىش قاتارلىق ئىشلار تامام بولۇپ، يېڭى ئىشخانىدا ئىش باشلاندى.

نۆۋەتتە، شىركىتىمىز 300 كىۋادرات مېتىر كېلىدىغان زامانىۋىي، تىنچ، ئازادە، ئۆلچەملىك ئىشخانا مۇھىتىغا، يۇلتۇز دەرىجىلىك 7 يۈرۈش خادىملار ياتىقىغا ئىگە. شىركىتىمىز شىنجاڭ يۇمشاق دېتال باغچىسىدىكى ساناقلىق مىللىي كارخانىلارنىڭ بىرى بولۇش سۈپىتى بىلەن، دۆلەتنىڭ ۋە ئاپتونوم رايوننىڭ قوللاش سىياسەتلىرىدىن، ئىككى شىركەت ھەمكارلىقىدىكى تېخنىكا ئەۋزەللىكلىرىمىزدىن تولۇق پايدىلىنىپ، قابىل باشقۇرغۇچىلارنىڭ، كەسپىي پىروگراممېرلىرىمىزنىڭ ئورتاق تىرىشچانلىقى نەتىجىسىدە، تېخىمۇ ئېسىل نەتىجىلەرنى قولغا كەلتۈرگۈسىمىز.

يېڭى ئادرېسىمىز: ئۈرۈمچى شەھىرى ئىقتىساد-تېخنىكا تەرەققىيات رايونى شىمالىي قاناس كۆلى يولى 455-نومۇر شىنجاڭ يۇمشاق دېتال باغچىسى A بىنا 6-قەۋەت 6004/6003-ئىشخانا

شىنجاڭ يۇلتۇزسوفت چەكلىك چەكلىك شىركىتى
2021-يىلى 1-ئاينىڭ 1-كۈنى

مۇناسىۋەتلىك خەۋەرلەر


Windows Phone ئۈچۈن «پۈتۈك 2.0» ئېلان قىلىندى

«پۈتۈك» پەقەت بىرلا مەقسەت – Windows Phone دا ئۇيغۇرچە يېزىق بىر تەرەپ قىلىش ئۈچۈن تۈزۈلگەن. «پۈتۈك» ناملىق بۇ ئەپ Windows Phone نىڭ 8.0 ياكى ئۇنىڭدىن يۇقىرى نەش...

  • 2014/12/31
  • 3,965

شىركىتىمىز خادىملىرىنىڭ 2013-يىلى روزا ھېيتلىق دەم ئېلىش ئۇقتۇرۇشى

2013-يىلى روزا ھېيت مۇناسىۋىتى بىلەن شىركىتىمىز خادىملىرى (2013-يىلى 8-ئاينىڭ 8-كۈنىدىن 11-كۈنىگىچە) تۆت كۈن دەم ئالىدۇ. 2013-يىلى 8-ئاينىڭ 12-كۈنى (دۈشەنبە) نورمال خى...

  • 2013/7/30
  • 3,173

2017-يىللىق دۆلەت بايرىمى ۋە جوڭچيۇ بايرىمىلىق دەم ئېلىش ئۇقتۇرۇشى

2017-يىللىق دۆلەت بايرىمى ۋە جوڭچيۇ بايرىمى مۇناسىۋىتى بىلەن شىركىتىمىز خادىملىرى (2017-يىلى 10-ئاينىڭ 1-كۈنىدىن 8-كۈنىگىچە) سەككىز كۈن دەم ئالىدۇ. 2017-يىلى 10-ئاينىڭ...

  • 2017/9/26
  • 2,734

«كومپيۇتېر ۋە تۇرمۇش» ژۇرنىلى 2012-يىللىق 3-سان

مۇقاۋىنىڭ 1-بېتى مۇقاۋىنىڭ 2-بېتى مۇقاۋىنىڭ 3-بېتى مۇقاۋىنىڭ 4-بېتى ئەسەرلەر مۇندەرىجىسى 1 ئەسەرلەر مۇندەرىجىسى 2

  • 2012/6/13
  • 5,718

«كومپيۇتېر ۋە تۇرمۇش» ژۇرنىلىنىڭ ۋاقتىدا چىقماسلىق مەسىلىسىگە خاتىمە بېرىلدى

بۈگۈن «كومپيۇتېر ۋە تۇرمۇش» ژۇرنىلىنىڭ 2011 -يىللىق 4-سانى نەشىردىن چىقتى. شۇنىڭ بىلەن مەزكۇر ژۇرنالنىڭ 2-3 يىلدىن بېرى داۋاملىشىپ كېلىۋاتقان ۋاقتىدا چىقماسلىق مەسىلىس...

  • 2011/8/14
  • 3,210

گۇرۇپپىمىز مەسئۇلى «ياشلىق مېلودىيەسى» پىروگراممىسىدا لېكسىيە سۆزلىدى

بۈگۈن گۇرۇپپىمىز مەسئۇلى ئەمەتجان رۇسۇل شىنجاڭ خەلق رادىيو ئىستانسىسىنىڭ ئۇيغۇرچە ئاڭلىتىش پىروگراممىسى «ياشلىق مېلودىيەسى»دە، ئالىي مەكتەپ ئوقۇغۇچىلىرىنى نىشان قىلغان...

  • 2011/5/26
  • 3,193

يۇلتۇزسوفت ئورگان تورىنىڭ 3-نەشرى ئېلان قىلىندى

2012-يىلىنىڭ بېشىدا شىركىتىمىز تور بېكىتىنىڭ 1-نەشرى ئېلان قىلىنغان ئىدى. 1-نەشردىكى تور بېكەت سىستېمىسى شىركىتىمىزنىڭ سىرتقا ئېچىۋېتىلگەن دەسلەپكى يۈزى سۈپىتىدە خىزمە...

  • 2017/5/22
  • 3,027

ژۇرنال خادىملىرىنىڭ 2014-يىلى ئەمگەكچىلەر بايرىمىلىق دەم ئېلىش ئۇقتۇرۇشى

2014-يىلى ئەمگەكچىلەر بايرىمى مۇناسىۋىتى بىلەن «كومپيۇتېر ۋە تۇرمۇش» ژۇرنىلى خادىملىرى (2014-يىلى 5-ئاينىڭ 2-كۈنىدىن 5-ئاينىڭ 4-كۈنىگىچە) ئۈچ كۈن دەم ئالىدۇ. 2014-يىلى...

  • 2014/4/26
  • 3,156

2015-يىلى چاغانلىق دەم ئېلىش ئۇقتۇرۇشى

2015-يىللىق چاغان مۇناسىۋىتى بىلەن شىركىتىمىز خادىملىرى (2014-يىلى 2-ئاينىڭ 18-كۈنى چارشەنبىدىن 2-ئاينىڭ 24-كۈنى سەيشەنبىگىچە) يەتتە كۈن دەم ئالىدۇ. 2-ئاينىڭ 25-كۈنى (...

  • 2015/2/13
  • 3,744

2017-يىللىق يېڭى يىللىق دەم ئېلىش ئۇقتۇرۇشى

2017-يىللىق يېڭى يىل بايرىمى مۇناسىۋىتى بىلەن شىركىتىمىز خادىملىرى (2017-يىلى 1-ئاينىڭ 1-كۈنىدىن 2-كۈنىگىچە) ئىككى كۈن دەم ئالىدۇ. 2017-يىلى 1-ئاينىڭ 3-كۈنى (سەيشەنبە)...

  • 2016/12/29
  • 2,629
 مۇلازىمەت سۇپىسى

مۇلازىمەت تېلېفونى:

0991 - 8554814

0991 - 8554813

خىزمەت ۋاقتى:
بېيجىڭ ۋاقتى 10:00 دىن 20:00 گىچە (دۈشەنبىدىن شەنبىگىچە)
بايرام كۈنلىرى دەم ئېلىنىدۇ.

ئۈندىدار مۇلازىمى

ئۈندىدار سالونى

لىدىرنىڭ يۈرەك سۆزى

يۇلتۇزسوفتتىكى ھەربىر خادىمنىڭ ئىستەيدىغىنى – باشقىلارنى چوڭ-كىچىك، كۈچلۈك-ئاجىز دەپ ئايرىماي، ھەرقانداق زامان ۋە ماكاندا ئىنتېرنېتنىڭ ئەڭ يېڭى نەتىجىلىرىدىن ھەمبەھرىلىنىش، ئۇچۇرلاشتۇرۇشنى تەرەققىي قىلدۇرۇپ ۋە ئەمەلگە ئاشۇرۇپ، ئۇچۇردىن ھەمبەھرىلىنىش پۇرسىتىنى دىيارىمىزنىڭ بۇلۇڭ-پۇچقاقلىرىغىچە كېڭەيتىش.
يۇلتۇزسوفتتىكى ھەربىر خادىمنىڭ ئاداققى مەقسىتى - ئەل ئۈچۈن ئالدىنقى قاتاردىكى بىخەتەر ئىنتېرنېت مۇھىتى بەرپا قىلىش، شۇنداقلا ئۇچۇرلارنىڭ قىممىتىنى رېئاللىققا ئايلاندۇرۇش.
بىز ئىزىمىز قالغان ئەنە شۇ دەۋرلەردىن خۇرسەن بولۇشقا ھەقلىقمىز. چۈنكى، بىز ئىنىتېرنېت تەرەققىياتىنىڭ شاھىدى.

ئالاقىلىشىڭ
تاقاش
ئۈندىدارنى ئېچىپ «扫一扫» دىگەن كونۇپكىنى بېسىپ ، ئىككىلىك كودنى سىكانىرلاڭ.