شىركىتىمىزنىڭ يۇقىرى، يېڭى تېخنىكىغا ئائىت تىجارەت تۈرلىرى تەستىقلاندى

شىركىتىمىز تاكى 2018-يىلى كۈزگە قەدەر، IT ساھەسىدە ئۈن-تىنسىز تەتقىقات بىلەن شۇغۇللىنىۋاتقان بولۇپ، گەرچە ھۆكۈمەت ئورگانلىرى بىلەن بەزى توختاملارنى تۈزگەن، بەزى چوڭ تۈرلەرنى تاماملىغان بولسىمۇ، لېكىن بەزى سالاھىيەت (资质) كىنىشكىلىرىگە بەك كۈچىمىگەن ئىدى.

2018-يىلى 9-ئايدىن باشلاپ، شىركىتىمىز بۇ خىزمەتلەرنى چىڭ تۇتۇپ، «يۇمشاق دېتال ئەسەر ھوقۇقى كىنىشكىسى»، «تېلېگراف قوشۇلما قىممەت كەسىپلىرى تىجارەت ئىجازەتنامىسى»، «تور مەدەنىيىتى تىجارىتى ئىجازەتنامىسى»، «يۇمشاق دېتال مەھسۇلات گۇۋاھنامىسى»، «سىستېما توپلاشتۇرۇش كارخانىسى گۇۋاھنامىسى»، «يۇمشاق دېتال كارخانىسى گۇۋاھنامىسى» قاتارلىق سالاھىيەت كىنىشكىلىرىنى تولۇقلاپ بېجىرىش ھەققىدە ئىلتىماس سۇندى. بۇ ئىلتىماسلارنىڭ بەزىلىرى تەستىقلىنىپ، مۇناسىۋەتلىك كىنىشكىلارنى تاپشۇرۇپ ئالدۇق، بەزىلىرى تەستىقلاندى، كىنىشكىلارنى تاپشۇرۇپ ئېلىش ئالدىدا تۈرىمىز .

بىر نەچچە كۈن ئىلگىرى ئۈرۈمچى شەھىرى تىيانشان رايونلۇق بازار نازارەت قىلىش، باشقۇرۇش ئىدارىسىغا شىركىتىمىزنىڭ تىجارەت دائىرىسىنى رەتلەش (بەزى تۈرلەرنى قوشۇش، بەزى تۈرلەرنى چىقىرىۋېتىش) ھەققىدە ئىلتىماس سۇنغان ئىدۇق.

ئىلتىماس سۇنغان تىجارەت دائىرىسى ئىچىدە رايونىمىزغا نىسبەتەن يۇقىرى، يېڭى تېخنىكا ھېسابلىنىدىغان «سۈنئىي ئەقلى ئىقتىدار، چوڭ مەلۇمات، بۇلۇت ھېسابلاش، ئاۋاز پەرقلەندۈرۈش، رەسىم پەرقلەندۈرۈش (人工智能、大数据、云计算、语音识别、图像识别)» قاتارلىق تۈرلەرمۇ بار ئىدى.

گەرچە، ئىلتىماسىمىزغا قوشۇپ بۇ تۈرلەرگە ئائىت قىلغان خىزمەتلىرىمىزنىڭ ئىسپاتى، توختاملىرى ۋە مۇناسىۋەتلىك كىنىشكىلارنىڭ ئەسلى ۋە كۆپەيتىلمە نۇسخىسىنى بىللە تەمىنلىگەن بولساقمۇ، بۇ تۈرلەر رايونىمىزغا نىسبەتەن تېخى يېڭى ھېسابلىنىدىغانلىقى، بۇ تۈرلەرنى تىجارەت دائىرىسىگە كىرگۈزگەن شىركەتلەر رايونىمىزدا يوقنىڭ ئورنىدا بولغانلىقى ئۈچۈن، «يېڭى تىجارەت دائىرىسى تەستىقلانماي قالارمۇ؟» دەيدىغان ئەندىشىمىزمۇ بار ئىدى.

بۈگۈن (2019-يىلى 1-ئاينىڭ 10-كۈنى) شىركىتىمىزنىڭ يېڭى تىجارەت دائىرىسى ئىلتىماسىمىز بويىچە، بىر خەت ئۇيان-بۇيان بولماستىن، تولۇق تەستىقلاندى.

بۇنىڭ ئۈچۈن، بىزنىڭ قوللاپ كېلىۋاتقان ھۆكۈمەت ئورۇنلىرىغا، جۈملىدىن ئۈرۈمچى شەھىرى تىيانشان رايونلۇق بازار نازارەت قىلىش، باشقۇرۇش ئىدارىسىغا كۆپتىن كۆپ رەھمەت ئېيتىمىز.

يېڭى بىر يىلدا تېخىمۇ كۆپ، تېخىمۇ ئەھمىيەتلىك تەتقىقات نەتىجىلىرىمىزنى ئوتتۇرىغا چىقىرىشقا تىرىشىمىز.

مۇناسىۋەتلىك خەۋەرلەر


گۇرۇپپىمىز «كومپيۇتېر ۋە تۇرمۇش» ژۇرنىلىنى ھەمكارلىشىپ باشقۇرۇش ھوقۇقىغا ئېرىشتى

دۆلەت ئىچىدىكى ئاز سانلىق مىللەتلەر تىل-يېزىقىدا ئاشكارا نەشىر قىلىنىدىغان، كومپيۇتېر بىلىملىرىگە ئائىت بىردىنبىر ژۇرنال «كومپيۇتېر ۋە تۇرمۇش» ژۇرنىلى 14 نەچچە يىلدىن ...

  • 2011/3/18
  • 1,520

2016-يىللىق روزا ھېيتلىق دەم ئېلىش ئۇقتۇرۇشى

2016-يىللىق روزا ھېيت مۇناسىۋىتى بىلەن شىركىتىمىز خادىملىرى (2016-يىلى 7-ئاينىڭ 6-كۈنىدىن 9-كۈنىگىچە) تۆت كۈن دەم ئالىدۇ. 7-ئاينىڭ 10-كۈنى (يەكشەنبە) نورمال خىزمەتكە چ...

  • 2016/6/28
  • 839

يۇقىرى مائاش بىلەن iOS ۋە Android پىروگىراممېرى قوبۇل قىلىنىدۇ

شىركىتىمىز كەسىپ كېڭەيتىش ئېھتىياجىدىن بەش نەپەر iOS پىروگىراممېرى، بەش نەپەر Android پىروگىراممېرى قوبۇل قىلىدۇ. ئاساسلىق ۋەزىپىسى: iPhone ، iPad ، Android قاتارلىق ك...

  • 2013/6/25
  • 2,239

«كومپيۇتېر ۋە تۇرمۇش» ژۇرنىلى 2012-يىللىق 5-سان

مۇقاۋىنىڭ 1-بېتى مۇقاۋىنىڭ 2-بېتى مۇقاۋىنىڭ 3-بېتى مۇقاۋىنىڭ 4-بېتى ئەسەرلەر مۇندەرىجىسى 1 ئەسەرلەر مۇندەرىجىسى 2

  • 2012/10/25
  • 1,292

شىركىتىمىز بازار ئېچىش خادىمى قوبۇل قىلىدۇ

بازار ئېچىش قەدىمىنى تېزلىتىپ، خىرىسقا، رىقابەتكە تولغان جەمئىيىتىمىزدىن تېگىشلىك ئورۇن ئېلىش ئۈچۈن، شىركىتىمىز بازار ئېچىش خادىمى قوبۇل قىلىدۇ. 1. مۇنتىزىم ئىشلەيدىغا...

  • 2014/3/21
  • 1,707

2015-يىلى يېڭى يىللىق دەم ئېلىش ئۇقتۇرۇشى

2015-يىلى يېڭى يىل بايرىمى مۇناسىۋىتى بىلەن شىركىتىمىز خادىملىرى (2015-يىلى 1-ئاينىڭ 1-كۈنىدىن 2-كۈنىگىچە) ئىككى كۈن دەم ئالىدۇ. 2015-يىلى 1-ئاينىڭ 4-كۈنى (يەكشەنبە) ن...

  • 2014/12/30
  • 1,814

تۇنجى نۆۋەتلىك «كومپيۇتېر ھەۋەسكارلىرى-ئەلكىن پىروگرامما مۇكاپاتى» تەسىس قىلىندى

  تۇنجى نۆۋەتلىك «كومپيۇتېر ھەۋەسكارلىرى-ئەلكىن پىروگرامما مۇكاپاتى» تەسىس قىلىندى 2013-يىلى ئۇيغۇر ئېلېكتىرون ساھەسىدىكى يولباشچىلارنىڭ بىرى – بىلكان شىركىتى «بى...

  • 2015/4/24
  • 1,719

2016-يىللىق قۇربان ھېيت ۋە جوڭچيۇ بايرىمىلىق دەم ئېلىش ئۇقتۇرۇشى

2016-يىللىق قۇربان ھېيت ۋە جوڭچيۇ بايرىمى مۇناسىۋىتى بىلەن شىركىتىمىز خادىملىرى (2016-يىلى 9-ئاينىڭ 10-كۈنىدىن 18-كۈنىگىچە) توققۇز كۈن دەم ئالىدۇ. 9-ئاينىڭ 19-كۈنى (دۈ...

  • 2016/9/3
  • 927

«كومپيۇتېر ۋە تۇرمۇش» ژۇرنىلى تور دۇكىنى ئېلان قىلىندى

2011-يىلى IT ساھەسى يېڭىلىققا تولغان بىر يىل بولۇۋاتىدۇ. جۈملىدىن كومپيۇتېر ساھەسىدىمۇ يېڭىلىقلار ئۈزۈلمەي ئېلان قىلىنىۋاتىدۇ. بۇ يېڭىلىقلار ئۆز نۆۋىتىدە ئۇيغۇر جەمئىي...

  • 2011/4/28
  • 1,575
 مۇلازىمەت سۇپىسى

مۇلازىمەت تېلېفونى:

0991 - 8554813

0991 - 8554814

خىزمەت ۋاقتى:
بېيجىڭ ۋاقتى 10:00 دىن 20:00 گىچە (دۈشەنبىدىن شەنبىگىچە)
بايرام كۈنلىرى دەم ئېلىنىدۇ.

ئۈندىدار مۇلازىمى

ئۈندىدار سالونى

لىدىرنىڭ يۈرەك سۆزى

يۇلتۇزسوفتتىكى ھەربىر خادىمنىڭ ئىستەيدىغىنى – باشقىلارنى چوڭ-كىچىك، كۈچلۈك ياكى ئاجىز دەپ ئايرىماي، ھەرقانداق ۋاقىتتا، ھەرقانداق جايدا ئىنتېرنېتنىڭ ئەڭ يېڭى نەتىجىلىرىدىن ئورتاق بەھرىلىنىش، ئۇچۇرلاشتۇرۇشنى تەرەققىي قىلدۇرۇپ ۋە ئەمەلگە ئاشۇرۇپ، ئۇچۇردىن ئورتاق پايدىلىنىش پۇرسىتىنى دۇنيانىڭ بۇلۇڭ-پۇچقاقلىرىغىچە كېڭەيتىش.
ئەل ئۈچۈن ئالدىنقى قاتاردىكى بىخەتەر تور، يۇمشاق دېتال مۇھىتى بەرپا قىلىش، يەنە شۇنداقلا ئۇچۇرلارنىڭ قىممىتىنى رېئاللىققا ئايلاندۇرۇش – يۇلتۇزسوفتتىكى ھەربىر خادىمنىڭ ئاداققى مەقسىتى.
بىز ئىزىمىز قالغان ئەنە شۇ دەۋرلەردىن خۇرسەن بولۇشقا ھەقلىقمىز. چۈنكى، بىز ئىنىتېرنېت تەرەققىياتىنىڭ شاھىدى.

ئالاقىلىشىڭ
تاقاش
ئۈندىدارنى ئېچىپ «扫一扫» دىگەن كونۇپكىنى بېسىپ ، ئىككىلىك كودنى سىكانىرلاڭ.