ئەلداۋا ساغلاملىق سۇپىسى 3-نەشرى

ئەلداۋا ساغلاملىق سۇپىسى - ئۈرۈمچى ئەلداۋا ساغلاملىق ئۇچۇر مۇلازىمەت چەكلىك مەسئۇلىيەت شىركىتى بىلەن شىنجاڭ يۇلتۇزسوفت چەكلىك شىركىتىنىڭ ھەمكارلىقىدا، 2011-يىلى 9-ئايدا قۇرۇلغان بولۇپ، مەخسۇس خادىملار مۇلازىمەت قىلىدىغان، دىيارىمىزدىكى تونۇلغان تېببىي مۇتەخەسسىس-ھەكىملەر كەسپىي جەھەتتىن نازارەت قىلىدىغان، ئۇيغۇر تور دۇنياسىدىكى تۇنجى كەسىپلەشكەن، ئەڭ چوڭ ساغلاملىق سۇپىسىدۇر. «ئەلنىڭ داۋاسى-بىزنىڭ غايىمىز!» دېگەن ئۇلۇغۋار مەقسەتنى قىبلىنامە قىلىپ، ئۇيغۇر تور ئاممىسىنى ئەڭ كەسپىي، ئەڭ نوپۇزلۇق، تۇرمۇشقا ئەڭ يېقىن ساغلاملىق ئۇچۇرلىرى بىلەن تەمىنلەپ، خەلق ئاممىسىنىڭ جىسمانىي ۋە روھىي ساغلاملىقىنى ئىلگىرى سۈرۈپ، ئەلنىڭ ساقلىقى ئۈچۈن تېگىشلىك تۆھپىسىنى قوشۇش ھەمدە ئۆز ئەجرىگە يارىشا قىممەت يارىتىش - ئەلداۋالىقلارنىڭ يەتمەكچى بولغان بۈيۈك مەنزىل-نىشانىدۇر. بۇ سۇپا تور بېكەت، ئەپ، ئۈندىدار سالونى قاتارلىق كۆپ خىل ۋاسىتىلەردىن ئۈنۈملۈك پايدىلىنىپ، ئەلگە داۋا، رەنجىگە شىپا ئىزدەپ، بۈگۈنگە كەلدى. سىزدە تورغا چىقالايدىغان ئۈسكۈنە (كومپيۇتېر، تاختا كومپۇتېر، يانفون) بولسىلا، زامان، ماكاننىڭ چەكلىمىسىگە ئۇچرىماي، سۇپىمىزدىن پايدىلىنالايسىز. سۇپىدا ئۈزلۈكسىز يېڭىلىنىپ تۇرۇۋاتقان ئەمەلىي ئىقتىدارلار، قولاي مەشغۇلاتلار ئەل ساغلاملىقىغا ھەر دائىم ئىجابىي تەسىر كۆرسىتىدۇ، دەپ ئىشىنىمىز. ساغلام ياشاي دېسىڭىز، مەزكۇر سۇپا سىزنىڭ ئەڭ ياخشى تاللىشىڭىز بولۇپ قالغۇسى!