سىفىرلاشقان مائارىپ مۇلازىمەت سۇپىسى

سىفىرلاشقان مائارىپ مۇلازىمەت سۇپىسى – بۇلۇت تېخنىكىسىنى ئاساس قىلغان، ئىنتېرنېتكە يۈزلەنگەن، B/S قۇرۇلمىسىدىكى كۆپ تىللىق ئۇچۇر باشقۇرۇش سىستېمىسىدۇر. بۇ سۇپىدا سىستېمىنى كومپيۇتېرغا قاچىلاش ھاجەتسىز. پەقەت ئەزالىق ھېسابات ئۇچۇرلىرى (كىرىش نومۇرى، كىرىش پارولى ۋە سىفىرلىك سالاھىيەت دەلىللەش پارولى) بولسىلا، خالىغان جايدا، خالىغان ۋاقىتتا سۇپىنى ئىشلەتكىلى بولىدۇ. ئىشلەتكۈچى تور كۆرگۈچكە بېكىتىلگەن تور ئادرېسى ياكى IP نى كىرگۈزۈپ، ئەزالىق ھېسابات ئۇچۇرلىرى (كىرىش نومۇرى، كىرىش پارولى ۋە سىفىرلىك سالاھىيەت دەلىللەش پارولى) ئارقىلىق سۇپىغا كىرسە بولىدۇ. ئىشلەتكۈچىنىڭ ئەزالىق ھېسابات ئۇچۇرلىرىغا ئاساسەن، سۇپا ئىشلەتكۈچىنىڭ سالاھىيىتىنى ئاپتوماتىك پەرقلەندۈرۈپ، ئىشلەتكۈچى تەۋە بۆلۈمگە ئاساسەن، ماس كېلىدىغان فۇنكسىيەلىك بۆلەكلەرنى ئېچىپ بېرىدۇ. سۇپىغا بۇلۇت تېخنىكىسى قوللىنىلغان، سۇپا قويۇلغان بۇلۇت مۇلازىمىتېرىنىڭ ئەمەلىي ئەھۋالىغا ئاساسەن، سىستېما ئىقتىدارلار ۋە بۇلۇت مۇلازىمىتېرىغا چۈشىدىغان بېسىمنى ئاپتوماتىك تەڭشەيدۇ. سۇپىغا ناھايىتى قاتتىق مەخپىيلەشتۈرۈش تېخنىكىسى قوللىنىلغان، سىستېمىدىكى ئۇچۇرلار مەخپىيلەشتۈرۈلگەن، باشقىلار خالىغانچە پايدىلىنالمايدۇ.