كومپيۇتېر ھەۋەسكارلىرى چەكلىك شىركىتى يېڭى ئىشخانىغا كۆچتى

•  2015/2/6
•  4,491
•  ھەھبەھرىلەش

شىركىتىمىز 2011-يىلى 12 –ئايدا قۇرۇلغاندىن بۇيان، ئۈرۈمچى شەھىرى تيانشان رايونى يەنئەن يولى 154-نومۇر جىلى سودا ئىشلىرى بازىسى 3-قەۋەت 37-ئىشخانىنى خىزمەت ئورنى قىلغان بولۇپ، يېقىندىن بۇيان خىزمەتلىرىمىزنىڭ كۆلەملىشىشى ۋە خادىملار قوشۇنىمىزنىڭ زورىيىشى بىلەن ئىشخانىمىز كىچىكلىك قىلىۋاتقان ئىدى.

شۇ سەۋەبلەرگە كۆرە ئىشخانا مۇھىتىنى تېخىمۇ ئۆلچەملەشتۈرۈش ئۈچۈن، يېقىندا يېڭى ئىشخانىنى تەييارلاش ئىشىغا كىرىشكەن ئىدۇق. مانا بۈگۈن ئەسلىدىكىنىڭ بىر ھەسسىسىگە توغرا كېلىدىغان يېڭى ئىشخانىنىڭ زىننەتلەش، ئۈسكۈنە تولۇقلاش قاتارلىق ئىشلىرى تامام بولۇپ، شىركىتىمىز يېڭى ئىشخانىدا ئىش باشلىدى.

نۆۋەتتە شىركىتىمىز ئاز كەم 150 كىۋادرات مېتىر كېلىدىغان تىنچ، ئازادە، ئۆلچەملىك ئىشخانا مۇھىتىغا ئىگە. مۇشۇ مۇھىتتا كەسپىي پىروگراممېرلىرىمىزنىڭ تىرىشچانلىقى نەتىجىسىدە، نۇرغۇن كەسپىي نەتىجىلەر روياپقا چىقىۋاتىدۇ. يېڭى ئىشخانىمىزدا تېخىمۇ ئېسىل نەتىجىلەرنى قولغا كەلتۈرگۈسىمىز.

يېڭى ئادرېسىمىز: ئۈرۈمچى شەھىرى تيانشان رايونى يەنئەن يولى 154-نومۇر جىلى سودا ئىشلىرى بازىسى 3-قەۋەت 30/31-ئىشخانا

ئۈرۈمچى كومپيۇتېر ھەۋەسكارلىرى چەكلىك شىركىتى
2015-يىلى 2-ئاينىڭ 6-كۈنى