Windows Phone ئۈچۈن «پۈتۈك 2.0» ئېلان قىلىندى

•  2014/12/31
•  4,093
•  ھەھبەھرىلەش

«پۈتۈك» پەقەت بىرلا مەقسەت – Windows Phone دا ئۇيغۇرچە يېزىق بىر تەرەپ قىلىش ئۈچۈن تۈزۈلگەن.

«پۈتۈك» ناملىق بۇ ئەپ Windows Phone نىڭ 8.0 ياكى ئۇنىڭدىن يۇقىرى نەشرىلىرىدە ئىشلەيدۇ.

«پۈتۈك» ناملىق بۇ ئەپ Windows Phone مۇھىتىدا ئۇيغۇرچە يېزىق بىر تەرەپ قىلىش، پۈتۈكنى ئۈندىدار (Wechat) دىكى دوستلارغا، دوستلار چەمبىرىكىگە، قىسقا ئۇچۇرغا ۋە ئېلخەتكە ھەمبەھرىلەش قاتارلىق ئىقتىدارلارغا ئىگە.

بۇ ئەپنىڭ تۇنجى نەشرى 2014-يىلى 8-ئاينىڭ 20-كۈنى ئېلان قىلىنغان بولۇپ، ئەپ ئېلان قىلىنغاندىن كېيىن بەزى خاتالىقلار بايقالدى، Windows Phone ئىشلەتكۈچىلىرىمۇ بەزى ياخشى پىكىرلەرنى بەردى.

ئەپنىڭ بۇ قېتىملىق نەشرىدە 1-نەشرىدىكى «پۈتۈك پۈتكەندە نۇر بەلگىسى چىقماسلىق» كاشىلىسىدىن باشقىلىرى ئاساسەن ھەل قىلىندى. بۇ مەسىلىنىمۇ داۋاملىق ھەل قىلىۋاتىمىز.

بۇ ئەپتە بىز ھېس قىلمىغان ئۇنداق ياكى مۇنداق خاتالىقلار ساقلانغان بولۇشى تەبىئىي. كېيىنكى نەشرىلىرىنىڭ تېخىمۇ ئىقتىدارلىق بولۇشى ئۈچۈن، ئىشلىتىش جەريانىدا خاتالىق بايقىسىڭىز ياكى ئەپكە نىسبەتەن تەكلىپ-پىكىرلىرىڭىز بولسا، service@yultuzsoft.com غا يوللاپ بەرگەيسىز. شۇنىڭ بىلەن بىللە ئەتراپىڭىزدىكى Windows Phone ئىشلىتىۋاتقان دوستلىرىڭىزغا تەۋسىيە قىلىشنى ئۇنتۇمىغايسىز.

چۈشۈرۈش ئادرېسى 1: بۇ يەرنى بېسىڭ

چۈشۈرۈش ئادرېسى 2: Windows Phone ئەپ بازىرىدىن Xjcfan ياكى Putuk دەپ ئىزدەپ، چۈشۈرۈۋالسىڭىزمۇ بولىدۇ.

تۆۋەندە ئەپتىن كەسمە رەسىملەر بېرىلدى.

كومپيۇتېر ھەۋەسكارلىرى چەكلىك شىركىتى
2014-يىلى 12-ئاينىڭ 31-كۈنى