ئۈستەل يۈزى يۇمشاق دېتاللىرى ۋە Windows Phone ئەپ پىروگراممېرلىرىنى تەربىيەلەش سىنىپى ئېچىلىدۇ

شىركىتىمىز بىر قىسىم ھۆكۈمەت ئورۇنلىرى، كارخانىلار ۋە شەخسلەرنىڭ ئۈستەل يۈزى يۇمشاق دېتاللىرىنى ۋە Windows Phone ئەپلىرىنى ئىشلەپ كېلىۋاتىدۇ. ئۇنىڭدىن باشقا يىل بېشىدا بەزى تۈرلەرنى پىلانغا ئالدۇق. بۇنىڭ ئىچىدە بەزى تۈرلەر ئاللىقاچان باشلىنىپ بولدى. بۇنىڭ بىلەن خىزمەت مىقدارىمىز، ئىختىساسلىق خادىملارغا بولغان ئېھتىياجىمىز تېخىمۇ ئاشتى. لېكىن ئىختىساسلىق خادىملارنىڭ كەمچىل بولۇشى بىلەن، تۈرلەرنىڭ ئەمەلىيلىشىشى ئاستا بولدى.

شىركىتىمىزدە ئىختىساسلىق خادىملارنىڭ كەمچىل بولۇشى ھەل قىلىشىمىزنى كۈتۈۋاتقان مۇھىم مەسىلىلەرنىڭ بىرى ئىدى. بۇ ئارىدا خادىم قوبۇل قىلىش ئۈچۈن، تېلېۋىزىيە، رادىيو، ژۇرنال، تور قاتارلىق ئاخبارات ۋاسىتىلىرىغا مۇراجىئەت قىلىپ، بەزى خادىملارنى قوبۇل قىلىپ كەلدۇق ۋە كېلىۋاتىمىز. شۇنداقتىمۇ بۇ يېتەرلىك ئەمەس.

كۆزىتىشىمىزچە، ئىختىساسلىق خادىملارنىڭ كەمچىل بولۇشى بىزنىڭلا ئەمەس، ھەمكارداش شىركەتلەرنىڭمۇ بېشىنى ئىزچىل قاتۇرۇپ كەلگەن مەسىلىلەرنىڭ بىرى بولۇپ ھېسابلىنىدۇ.

شۇڭا بۈگۈنى ئوقۇش پۈتتۈرۈپ، ئەتىسى خىزمەتكە كىرىشەلەيدىغان ئىختىساسلىق خادىملارنى قىسقا مۇددەت ئىچىدە يېتىشتۈرۈپ چىقىش ئۈچۈن، ئۈستەل يۈزى يۇمشاق دېتاللىرى ۋە Windows Phone ئەپ پىروگراممېرلىرىنى تەربىيەلەش سىنىپى ئېچىشنى قارار قىلدۇق.

تەربىيەلەش مەقسىتى: شىركىتىمىز ۋە ھەمكارداش شىركەتلەر ئۈچۈن خادىم تەربىيەلەپ، ئۈستەل يۈزى يۇمشاق دېتاللىرى ۋە Windows Phone ئەپلىرى ساھەسىدە ئىختىساسلىق خادىملارنىڭ كەمچىل بولۇش مەسىلىسىنى ھەل قىلىش.

تەربىيەلەش نىشانى: تۆۋەن بولغاندا تولۇق ئوتتۇرا مەكتەپ مەدەنىيەت سەۋىيەسىگە ئىگە، تىرىشچان، ئۆگىنىشكە ھېرىسمەن، ئەقلى ۋە تەپەككۇرى ئۇرغۇپ تۇرىدىغان، ئۈستەل يۈزى يۇمشاق دېتاللىرى ۋە Windows Phone ئەپ پىروگراممىسى تۈزۈش ساھەسىدە خىزمەت قىلىشنى، شىركىتىمىزدە ۋە ھەمكارداش شىركەتلەردە خىزمەت قىلىشنى كۆڭلىگە پۈككەن، شىركىتىمىز ۋە ھەمكارداش شىركەتلەر بىلەن بىرلىكتە روناق تېپىشنى خالايدىغان ياشلار.

ئەسكەرتىش 1: تەربىيەلەنگۈچىلەردىن ئاۋۋال يېزىقچە ياكى يۈز تۇرانە ئىمتىھانلار ئارقىلىق سىناق ئېلىنىدۇ. كومپيۇتېر سەۋىيەسى، قىزىقىشى، ئۆگىنىش ئىرادىسى بەك تۆۋەنلەر قوبۇل قىلىنمايدۇ.

ئەسكەرتىش 2: تەربىيەلىنىش مەزگىلىدە، ھەر قايسى مەزمۇنلاردىن تاپشۇرۇق بېرىلىدۇ، كىچىك سىناقلار، ئايلىق ئىمتىھان ئېلىنىدۇ. بۇ جەرياندا ئۆگىنىشتە لاياقەتسىز بولۇپ قالغانلار ئايرىم يېتەكلىنىدۇ، ئەڭ بولمىغاندا قايتۇرۇلىدۇ.

بىزنىڭ مەقسىتىمىز قىسقا مۇددەتتە ياراملىق ئۈستەل يۈزى يۇمشاق دېتاللىرى ۋە Windows Phone ئەپ پىروگراممېرلىرىنى يېتىشتۈرۈش. شۇنداق بولغانىكەن، ئوقۇغۇچى ئەركىن، راھەت، قىزىقىش ئىچىدە ئوقۇشى كېرەك، زورۇقۇپ قالسا بولمايدۇ. ئۇنداق بولمىغاندا ئوقۇغۇچىنىڭ ئىقتىسادى ۋە ۋاقتى، بىزنىڭ پىلان ۋە زېھنىمىز بىھۇدە ئىسراپ بولىدۇ، خالاس.

تەربىيەلەش مۇددىتى: تۆت ئاي. بۇنىڭ ئىچىدە دەرس ئۈچ ئاي (ھەپتىدە بەش كۈن، كۈندە تۆت سائەت < نەزەرىيە ۋە ئەمەلىي دەرس+ئەمەلىي مەشىق>)، ئەمەلىي خىزمەت پىراكتىكىسى بىر ئاي بولىدۇ.

ئوقۇغۇچىلار ئۈچ ئايلىق دەرسنى تۈگەتكەندىن كېيىن، بىر ئاي ئەمەلىي خىزمەت پىراكتىكىسى قىلىدۇ. پىراكتىكا شىركىتىمىزگە ۋە ھەمكارداش شىركەتلەرگە ئورۇنلاشتۇرۇلىدۇ. پىراكتىكا جەريانىدا ئۇلارغا مۇۋاپىق ھەق بېرىلىدۇ. بۇ ھەقنى پىراكتىكا قىلىنغان شىركەت كۆتۈرىدۇ.

تەربىيەلەش سان چەكلىمىسى: 15 نەپەر

ئوقۇش ھەققى: يەتتە مىڭ يۈەن

ئوقۇش باشلاش ۋاقتى: 2014-يىلى 4-ئاينىڭ 15-كۈنلىرى ئەتراپىدا چۈشتىن بۇرۇن بولىدۇ. (تېخىمۇ كونكېرت ۋاقتى ئايرىم ئۇقتۇرۇلىدۇ)

ئۈستەل يۈزى يۇمشاق دېتاللىرى ۋە Windows Phone ئەپ سىنىپىدا ئۆتۈلىدىغان دەرسلەرنىڭ قىسقىچە مەزمۇنى (ئەسكەرتىش: ھەربىر چوڭ تۈر ئىچىدە يەنە كىچىك مەزمۇنلار بار):

1. پىروگرامما ئېچىش قورالى – Microsoft Visual Studio 2012

2. #C++ / C تىلىدىن دەسلەپكى ۋە ئوتتۇرا دەرىجە

3. پىروگرامما لايىھەلەش تىلى ئاساسىي بىلىملىرى

4. ئوبيېكتقا يۈزلەنگەن پىروگرامما لايىھەلەش ئاساسىي بىلىملىرى

5. پىروگرامما لايىھەلەشتىكى يادرولۇق تېخنىكىلار

6. Microsoft Server 2008 مۇلازىمىتېرى قۇرۇش، تەڭشەش، ئاسراش

7. Microsoft SQL Server 2008 قاچىلاش، تەڭشەش، ئاسراش

8. ساندان لايىھەلەش ئاساسىي بىلىملىرى

9. مۇلازىمىتېرغا يۈزلەنگەن ساندان پىروگراممىلىرى لايىھەلەش

10. SDK Windows Phone بىلىملىرى

11. XAML تىلىدىن ئاساس

12. Visual Studio دا Windows Phone تۈرى قۇرۇش ۋە ئەمەلى مىساللار

13. Windows Phone ئەپلىرىنى ئېچىش ۋە دائىم ئىشلىتىدىغان كونتروللار

14. Windows Phone ئەپلىرىنى ئېچىش ئەمەلىي مىساللىرى

ئوقۇغۇچى ئوقۇش پۈتتۈرگەندە ئۈستەل يۈزى يۇمشاق دېتالى تۈزۈشتە يەتمەكچى بولغان سەۋىيە:

1. پىروگرامما كودىنى قائىدىلىك يېزىش

2. مالىيە باشقۇرۇش سىستېمىسى، دۇكان باشقۇرۇش سىستېمىسى، شىركەت باشقۇرۇش سىستېمىسى قاتارلىق كىچىك تىپتىكى يۇمشاق دېتاللارنى تۈزۈش

3. شىركەتنىڭ تەقسىملىگەن ئىش تەقسىماتىدىكى كود بۆلىكىنى يېزىش

ئوقۇغۇچى ئوقۇش پۈتتۈرگەندە Windows Phone ئەپ پىروگراممىسى تۈزۈشتە يەتمەكچى بولغان سەۋىيە:

1. پىروگرامما كودىنى قائىدىلىك يېزىش

2. Blend ئارقىلىق پىروگراممىنىڭ كۆرۈنۈشىنى لايىھەلەش

3. XAML تىلىنى چۈشىنىش

4. كىچىك تىپتىكى ئەپلەرنى تۈزۈش

ئوقۇتۇش جەريانىدا ئەمەلىيەتكە نەزەرىيە زىچ بىرلەشتۈرۈپ سۆزلىنىدۇ. ئەگەر ئوقۇغۇچى دەرسكە تولۇق قاتنىشىپ، ۋاقتىدا ئۆزلەشتۈرۈپ ماڭسا، ئوقۇش پۈتتۈرۈپ بولغىچە ئۈستەل يۈزى يۇمشاق دېتاللىرى ۋە Windows Phone ئەپلىرىنى لايىھەلەشنىڭ ئاساسىنى تۇرغۇزۇپ بولىدۇ.

نازارەتچىلەر:

ئابدۇغېنى غوجى (شىنجاڭ سەركار پەن_تېخنىكا چەكلىك مەسئۇلىيەت شىركىتىنىڭ باش دىرېكتورى)

تاھىر تۇرسۇن (ئۈرۈمچى ئالماس كومپيۇتېر چەكلىك شىركىتىنىڭ ئورۇنباسار دىرېكتورى)

ئەمەتجان رۇسۇل (ئۈرۈمچى كومپيۇتېر ھەۋەسكارلىرى چەكلىك شىركىتىنىڭ باش دىرېكتورى)

يېتەكچى ئوقۇتقۇچى: ئابدۇغېنى غوجى

قىسقىچە تەرجىمىھالى: 2008-يىلى شىنجاڭ پېداگوگىكا ئۇنىۋېرسىتېتى ئېلېكتىرون ئۇچۇر كەسپىنى پۈتتۈرگەن. 2010-يىلى قەشقەر سەركار پەن-تېخنىكا شىركىتىنى قۇرغان. سەركار شىركىتى 2013-يىلى 5-ئايدا ئۈرۈمچىگە يۆتكەلدى.

ئىشلىگەن ئەمەلىي خىزمەتلىرى: سەركار تاماقخانا باشقۇرۇش سىستېمىسى، كىرىم-چىقىم ئامبار باشقۇرۇش سىستېمىسى، كىيىم-كېچەك تىجارىتىنى باشقۇرۇش سىستېمىسى، ئايروپىلان بېلىتى خېرىدار ئۇچۇرى ۋە ھېسابات باشقۇرۇش سىستېمىسى، غەربچە تائاملار ھېسابات باشقۇرۇش سىستېمىسى ۋە يۇقىرىقى يۇمشاق دېتاللارنى زەنجىرسىمان دۇكانلار نۇسخىسى.

دەرس ئوقۇتقۇچىسى: ئۆمەرجان زاھىت

قىسقىچە تەرجىمىھالى: 2011-يىلى شىنجاڭ ئىلىم-پەن ئۇچۇر ئىنستىتۇتى كومپيۇتېردا ئۇچۇر باشقۇرۇش كەسپىنى پۈتتۈرگەن. 2012-يىلىنىڭ بېشىدىن 2013-يىلى 10-ئايغىچە شىنجاڭدىكى ئۇيغۇر يۇمشاق دېتال قۇرۇلۇشىدا كۆزگە كۆرۈنگەن شىركەت ئۈرۈمچى يەلتاپان ئېلېكتىرون پەن-تېخنىكا چەكلىك چەكلىك شىركىتىدە ئىشلىگەن. 2013-يىلى 12-ئايدىن باشلاپ ھازىرغىچە شىنجاڭ يۇران خەلقئارا سودا شىركىتىدە پىروگراممېر بولۇپ خىزمەت قىلىۋاتىدۇ.

ئىشلىگەن ئەمەلىي خىزمەتلىرى: ئۆمەرجان زاھىت Visual Studio قا، جۈملىدىن NET پىروگراممىلىرىغا پىششىق. ئۇ ئۇنىڭدىن باشقا Windows Phone ئەپلىرىنى تۈزۈشنى پۈتۈنلەي نۆلدىن باشلاپ ئۆزلۈكىدىن ئۆگىنىپ، ھازىر مەلۇم سەۋىيەدىكى ئەپلەرنى مۇستەقىل يېزىپ چىقىش ئىقتىدارىغا ۋە باشقىلارغا دەرس بېرىش سەۋىيەسىگە يەتتى.

ئوقۇغۇچىلار پىراكتىكا قىلىدىغان ئورۇن ۋە پىراكتىكا مەزگىلىدىكى تەمىناتى:

شىنجاڭ سەركار پەن_تېخنىكا چەكلىك مەسئۇلىيەت شىركىتى پىراكتىكا شارائىتى بىلەن تەمىنلەيدۇ. پىراكتىكانتلارنىڭ سەۋىيەسى شىركەتنىڭ ئۆلچىمىگە توشسا، 800 يۈەن تەمىنات بېرىلىدۇ، چۈشلۈك تاماق تەمىنلىنىدۇ؛ تۈرلەرگە قاتنىشىش سەۋىيەسىگە يەتكەن بولسا، 1200 يۈەن ئاساسى مائاش + تۈر مائاش + يوقلىما مائاش + ئىستاژ مائاشى بويىچە مۇئامىلە قىلىنىدۇ.

ئۈرۈمچى ئالماس كومپيۇتېر چەكلىك شىركىتى ئوقۇغۇچىلارنى پىراكتىكا شارائىتى بىلەن تەمىنلەيدۇ. پىراكتىكانتلارنىڭ سەۋىيەسى شىركەتنىڭ ئۆلچىمىگە توشسا، 2800 يۈەن تەمىنات بېرىلىدۇ؛ تۈرلەرگە قاتنىشىش سەۋىيەسىگە يەتكەن بولسا، 4000 يۈەن تەمىنات بېرىلىدۇ، ھەمدە تۈر مۇكاپاتى بېرىلىدۇ.

ئۈرۈمچى كومپيۇتېر ھەۋەسكارلىرى چەكلىك شىركىتى پىراكتىكا شارائىتى بىلەن تەمىنلەيدۇ. پىراكتىكانتلارغا 1500 يۈەن تەمىنات بېرىلىدۇ؛ تۈرلەرگە قاتنىشىش سەۋىيەسىگە يەتكەن بولسا، ئاساسىي مائاش (3000-10000 يۈەن + تۈر مۇكاپاتى + ئالتە خىل سۇغۇرتا + قەرەلسىز مۇكاپات + ھېيتلىق تەمىنات + يىللىق مۇكاپات + پاي ئايرىش» ئۆلچىمى بويىچە بىر تەرەپ قىلىنىدۇ.

لاياقەتلىك ئوقۇش پۈتتۈرگەن ئوقۇغۇچىلارغا ھازىرلانغان خىزمەت ئورنى ۋە تەمىناتى:

شىنجاڭ سەركار پەن_تېخنىكا چەكلىك مەسئۇلىيەت شىركىتى لاياقەتلىك ئوقۇش پۈتتۈرگەن ئوقۇغۇچىلاردىن 3-5 ئەتراپىدا خادىم قوبۇل قىلىشقا كاپالەتلىك قىلىدۇ. خادىملار رەسمىي خىزمەتكە چۈشكەندىن كېيىن، 3-5 يىللىق ئەمگەك توختامى تۈزۈلىدۇ، 3 خىل سۇغۇرتىغا قاتناشتۇرۇلىدۇ. ئايلىق مائاشى = 1200 يۈەن ئاساسى مائاش + تۈر مائاشى + يوقلىما مائاشى + ئىستاژ مائاشى بويىچە بولىدىغان بولۇپ، خادىملار قانچىلىك ئۈنۈم ياراتسا، شۇنچىلىك مائاش ئالىدۇ.

شىركەت بىلەن ئەمگەك توختامى تۈزىگەن ھەم پايچىك بولغان ئىشەنچلىك خادىملار ئىچكىرى ئۆلكىلەرگە ئۆگىنىشكە ئەۋەتىلىدۇ.

خادىملار ئۆزى قاتناشقان تۈرگە پاي ئايرىپ بېرىلىدۇ . بۇنىڭ نىسبىتىنى خادىملارنىڭ قىزغىنلىقى ھەم شۇ تۇردىكى نەتىجىسى بەلگىلەيدۇ. شىركەتنىڭ ئىشەنچىسىگە ئېرىشكەن، نەتىجىسى ۋە ئەخلاقى ياخشى، جاپاغا چىدايدىغانلار بولسا، شىركەتنىڭ ئاساسىي پېيىدىن پىرسەنت ئايرىپ بېرىلىدۇ.

ئۈرۈمچى ئالماس كومپيۇتېر چەكلىك شىركىتى لاياقەتلىك ئوقۇش پۈتتۈرگەن ئوقۇغۇچىلاردىن 7-10 ئەتراپىدا خادىم قوبۇل قىلىشقا كاپالەتلىك قىلىدۇ. 1-3 ئايغىچە سىناق مەزگىلى بولۇپ، سىناق مەزگىلىدىكى مائاشى 2800 يۈەن بولىدۇ. ئۇلار بىلەن 3-5 يىللىق ئەمگەك توختام تۈزۈلۈپ، 3 خىل سۇغۇرتىغا قاتناشتۇرۇلىدۇ. رەسمىيلەشكەندىن كېيىن ئەڭ تۆۋەن مائاشى 4000 يۈەن بولىدۇ. تۈر مۇكاپاتى، قەرەلسىز مۇكاپات، يىللىق مۇكاپات بار، ھېيت -بايراملىق ۋە باشقا تەمىناتلار بېرىلىدۇ. كېيىنكى يىللىرى ئۆسۈش ئىمكانىيىتى بار، ئۆسۈش دائىرىسى شۇ خادىمنىڭ ياراتقان قىممىتىگە باغلىق بولىدۇ.

خادىملار ھەر ۋاقىت ئۈزلۈكسىز تەربىيەلىنىپ تۇرىدۇ، ئىچكىرى ئۆلكىلەردىكى ھەمكارلاشقان شىركەتلەرگە قەرەلسىز ئەۋەتىلىپ تۇرۇلىدۇ. ئىلغار خادىملار چەتئەللەرگە ساياھەت قىلدۇرۇلىدۇ.

شىركەتتىكى ھەرقانداق خادىم ياراتقان نەتىجىسىگە قاراپ، شىركەتنىڭ پايچىكى بولالايدۇ. بارلىق خادىملارغا قارىتىلغان مۇكەممەل پايدا ئايرىش تۈزۈمى خادىملارنى ئەمگىكىگە يارىشا ئادىل نەپكە ئېرىشتۈرىدۇ.

ئۈرۈمچى كومپيۇتېر ھەۋەسكارلىرى چەكلىك شىركىتى لاياقەتلىك ئوقۇش پۈتتۈرگەن ئوقۇغۇچىلاردىن 4-5 ئەتراپىدا خادىم قوبۇل قىلىشقا كاپالەتلىك قىلىدۇ. خادىملار رەسمىي خىزمەتكە چۈشكەندىن كېيىن، ئەڭ ئاز دېگەندە ئىككى يىللىق ئەمگەك توختامى تۈزۈلىدۇ، ئالتە خىل سۇغۇرتىغا قاتناشتۇرۇلىدۇ. ئايلىق مائاشى = ئاساسىي مائاش (3000 يۈەندىن 10000 يۈەنگىچە) + ئالتە خىل سۇغۇرتا + تۈر مۇكاپاتى + قەرەلسىز مۇكاپات + ھېيتلىق تەمىنات ئۆلچىمى بويىچە بولىدۇ؛ نەتىجىسى ياخشى بولغانلارغا يىل ئاخىرىدا يىللىق مۇكاپات تارقىتىلىدۇ.

خادىملار كەسپىي جەھەتتىن داۋاملىق تەربىيەلىنىدۇ. ژۇرنال، تېلېۋىزور، رادىيو قاتارلىق ئاخبارات ۋاسىتىلىرىدا قەرەلسىز زىيارەتكە ئۇيۇشتۇرۇلۇپ، تېخنىكىلىق خىزمەتلىرى تونۇشتۇرۇلىدۇ. نەتىجىسى كۆرۈنەرلىك بولغان خادىملار ساياھەتكە ئورۇنلاشتۇرۇلىدۇ.

خادىملار شىركەتتىكى تۆھپىسىگە ئاساسەن، شىركەت پېيىغا ئېرىشەلەيدۇ. خادىملارغا ئايرىپ بېرىلىدىغان پاي ئەڭ تۆۋەن بولغاندا %1، ئەڭ يۇقىرى بولغاندا %49 بولىدۇ.

قوللىغان ئورۇنلار:

شىنجاڭ خەلق رادىيو ئىستانسىسى

«كومپيۇتېر ۋە تۇرمۇش» ژۇرنىلى

ئۈرۈمچى ئۇيغۇرسوفت يۇمشاق دېتال چەكلىك شىركىتى

شىنجاڭ ئىزدىنىش تور تېخنىكا چەكلىك شىركىتى

شىنجاڭ ئۇلىنىش تور تېخنىكا چەكلىك شىركىتى

نۇرقۇت ئەترىتى

روھلان تور بېكىتى

(قوللىغان ئورۇنلارنىڭ تىزىملىكى داۋاملىق كۆپەيتىلىدۇ.)

تىزىملاش ئورنى: ئۈرۈمچى شەھىرى يەنئەن يولى 154-نومۇر جىلى سودا ئىشلىرى بازىسى 3-قەۋەت 30/31-ئىشخانا

تور بېكەت ئادرېسى: http://www.yultuzsoft.com/ug-CN

تېلېفون نومۇرى: 8554814 / 8554813-0991

ئېلخەت: service@yultuzsoft.com

سىنىپ ھەققىدىكى تېخىمۇ تەپسىلىي ئۇچۇرلار بۇ يەردە …

ئۈرۈمچى كومپيۇتېر ھەۋەسكارلىرى ئېلېكتىرون پەن-تېخنىكا چەكلىك شىركىتى
2014-يىلى 3-ئاينىڭ 31-كۈنى

مۇناسىۋەتلىك خەۋەرلەر


شىركىتىمىز ئىشتىن سىرىت ئىشلەيدىغان بازار ئېچىش خادىمى قوبۇل قىلىدۇ

شىركىتىمىز بازار كېڭەيتىش ئېھتىياجىدىن ئۇيغۇر ئاپتونوم رايونىمىزدىكى ھەربىر شەھەردىن 5 نەپەردىن، ھەربىر ناھىيەدىن 2 نەپەردىن بازار ئېچىش خادىمى قوبۇل قىلىدۇ. بازار ئېچ...

  • 2013/8/16
  • 5,701

«كۈلگىن تورى» قۇرۇلۇشى مۇۋەپپەقىيەتلىك تاماملاندى

بۈگۈن شىركىتىمىز «كۈلگىن تورى» قۇرۇلۇشىنى مۇۋەپپەقىيەتلىك تاماملىدى.

  • 2012/2/20
  • 3,695

رايونىمىزدىكى تۇنجى قوش تىللىق IDC تور مۇلازىمەت سۇپىسى ئېلان قىلىندى

2010-يىلى 5-ئاينىڭ 17-كۈنى IDC تور مۇلازىمەت سۇپىسى (www.uydata.com) ئېچىۋېتىلگەن ئىدى. بۈگۈن بۇ سۇپىنىڭ يېڭى نەشرى – ئاپتونوم رايونىمىزدىكى تۇنجى ۋە بىردىنبىر ق...

  • 2011/10/15
  • 3,252

ژۇرنال خادىملىرىنىڭ 2014-يىلى يېڭى يىللىق دەم ئېلىش ئۇقتۇرۇشى

2014-يىلى يېڭى يىل بايرىمى مۇناسىۋىتى بىلەن ژۇرنال خادىملىرى (2014-يىلى 1-ئاينىڭ 1-كۈنى، چارشەنبە) بىر كۈن دەم ئالىدۇ. 2014-يىلى 1-ئاينىڭ 2-كۈنى (پەيشەنبە) نورمال خىزم...

  • 2013/12/30
  • 3,188

2015-يىلى يېڭى يىللىق دەم ئېلىش ئۇقتۇرۇشى

2015-يىلى يېڭى يىل بايرىمى مۇناسىۋىتى بىلەن شىركىتىمىز خادىملىرى (2015-يىلى 1-ئاينىڭ 1-كۈنىدىن 2-كۈنىگىچە) ئىككى كۈن دەم ئالىدۇ. 2015-يىلى 1-ئاينىڭ 4-كۈنى (يەكشەنبە) ن...

  • 2014/12/30
  • 3,229

تۇنجى نۆۋەتلىك «كومپيۇتېر ھەۋەسكارلىرى-ئەلكىن پىروگرامما مۇكاپاتى»نى قوللىغان...

تۇنجى نۆۋەتلىك «كومپيۇتېر ھەۋەسكارلىرى-ئەلكىن پىروگرامما مۇكاپاتى»نى قوللىغان ئورۇنلار تۆۋەندىكىچە: (ئەسكەرتىش: بۇ تەرتىپ ئورۇنلارنىڭ پائالىيەتكە پوزىتسىيە بىلدۈرگەن ۋ...

  • 2015/8/28
  • 3,583

«كومپيۇتېر ۋە تۇرمۇش» ژۇرنىلى 2011-يىللىق 3-سان

    مۇقاۋىنىڭ 1-بېتى      مۇقاۋىنىڭ 2-بېتى      مۇقاۋىنىڭ 3-بېتى      مۇقاۋىنىڭ 4-بېتى      ئەسەرلەر مۇندەرىجىسى 1      ئەسەرلەر مۇندەرىجىسى 2 

  • 2011/7/28
  • 3,440

شىركىتىمىز خادىملىرىنىڭ 2013-يىلى روزا ھېيتلىق دەم ئېلىش ئۇقتۇرۇشى

2013-يىلى روزا ھېيت مۇناسىۋىتى بىلەن شىركىتىمىز خادىملىرى (2013-يىلى 8-ئاينىڭ 8-كۈنىدىن 11-كۈنىگىچە) تۆت كۈن دەم ئالىدۇ. 2013-يىلى 8-ئاينىڭ 12-كۈنى (دۈشەنبە) نورمال خى...

  • 2013/7/30
  • 3,173

شىركىتىمىز «تور مەدەنىيىتى ھەققىدە» رادىيو سۆھبىتىدە

بۈگۈن (2012–يىلى 4–ئاينىڭ 1-كۈنى، يەكشەنبە) ئۈرۈمچى ۋاقتى ئەتىگەن سائەت 8:00 دىن 9:00 غىچە ئاڭلىتىلىدىغان شىنجاڭ خەلق رادىيو ئىستانسىسىنىڭ ئۇيغۇرچە ئاڭلىتىش پىروگراممى...

  • 2012/4/1
  • 3,897

2019-يىللىق يېڭى يىللىق دەم ئېلىش ئۇقتۇرۇشى

2019-يىللىق يېڭى يىل بايرىمى مۇناسىۋىتى بىلەن شىركىتىمىز خادىملىرى (2018-يىلى 12-ئاينىڭ 30-كۈنىدىن 2019-يىلى 1-ئاينىڭ 1-كۈنىگىچە) ئۈچ كۈن دەم ئالىدۇ. 2018-يىلى 1-ئاينى...

  • 2018/12/28
  • 22,577
 مۇلازىمەت سۇپىسى

مۇلازىمەت تېلېفونى:

0991 - 8554814

0991 - 8554813

خىزمەت ۋاقتى:
بېيجىڭ ۋاقتى 10:00 دىن 20:00 گىچە (دۈشەنبىدىن شەنبىگىچە)
بايرام كۈنلىرى دەم ئېلىنىدۇ.

ئۈندىدار مۇلازىمى

ئۈندىدار سالونى

لىدىرنىڭ يۈرەك سۆزى

يۇلتۇزسوفتتىكى ھەربىر خادىمنىڭ ئىستەيدىغىنى – باشقىلارنى چوڭ-كىچىك، كۈچلۈك-ئاجىز دەپ ئايرىماي، ھەرقانداق زامان ۋە ماكاندا ئىنتېرنېتنىڭ ئەڭ يېڭى نەتىجىلىرىدىن ھەمبەھرىلىنىش، ئۇچۇرلاشتۇرۇشنى تەرەققىي قىلدۇرۇپ ۋە ئەمەلگە ئاشۇرۇپ، ئۇچۇردىن ھەمبەھرىلىنىش پۇرسىتىنى دىيارىمىزنىڭ بۇلۇڭ-پۇچقاقلىرىغىچە كېڭەيتىش.
يۇلتۇزسوفتتىكى ھەربىر خادىمنىڭ ئاداققى مەقسىتى - ئەل ئۈچۈن ئالدىنقى قاتاردىكى بىخەتەر ئىنتېرنېت مۇھىتى بەرپا قىلىش، شۇنداقلا ئۇچۇرلارنىڭ قىممىتىنى رېئاللىققا ئايلاندۇرۇش.
بىز ئىزىمىز قالغان ئەنە شۇ دەۋرلەردىن خۇرسەن بولۇشقا ھەقلىقمىز. چۈنكى، بىز ئىنىتېرنېت تەرەققىياتىنىڭ شاھىدى.

ئالاقىلىشىڭ
تاقاش
ئۈندىدارنى ئېچىپ «扫一扫» دىگەن كونۇپكىنى بېسىپ ، ئىككىلىك كودنى سىكانىرلاڭ.